كتب / رانيا طلحة
بطني عاملة زي الطبلة في رمضان ، عيالي بيطبلوا عليها 😂 عشان يصحوني للسحور 😬
ناس كتير طلبت نتكلم عن #عسر_الهضم اللي بيحصلهم في رمضان ..
عسر الهضم أو سوء الهضم أو #التخمة أو اضطراب المعدة ، احساس كدة بعدم الراحة في المعدة ،
بحس اني #بشبع بسرعة ، بطني من فوق السرة الي منطقة فم المعدة فيها #حرقان زي ما يكون في جمرة نار ، حاسس بغازات و #انتفخات ، بطني محجرة ، الاحساس بيطول بعد الاكل ومش عايز آكل بسبب الاحساس ده وأحيانا بحس بغثيان 😭…
#التخمة دي بتحصل في الغالب #لسببين ،
♦️♦️ ♦️الاول: هو نمط الحياة في رمضان عن غير رمضان ، بسبب اكل او شرب أو دواء ،
🙄 ناس #بتدبها في الفطار ومش بترحم 😂 خاصة لو زودت في تناول الاكل السمين أو المتبل بزيادة .
🙄 في ناس تانية بقي #مستعجلة وبتاكل بسرعة
🙄 ناس تانية بتزود في شرب الشاي والقهوة والبيبسي
🙄في ناس بتدوس في السجائر 😁 ..
🙄 في ناس بقي متعودة تفطر علي #المسكنات وفي ناس عندها نقص #حديد وبتاخد مكملات الحديد وفي ناس تانية بتاخد #مضادات الحيوية . ودي بردة ممكن تسبب عسر هضم .
🙄كمان #التوتر ممكن يسبب عسر الهضم .
🚫خد بالك كل ما تزيد الاسباب اللي فاتت دي كل مايزيد احتمالية حدوث تخمة .
♦️♦️♦️السبب التاني :
ممكن يكون عسر الهضم #عَرَض لمرض تاني زي قرح المعدة والاثني عشر ، التهاب المعدة ، التهابات المرارة ، سرطان المعدة ، التهابات البنكرياس . ودا اكيد هيبقي مستمر في رمضان وغير رمضان .
💜💜#العلاج : 💜💜
✍️ مش الادويه بس هي العلاج ، لكن بعض تغييرات نمط الحياة ممكن يساهم كتير في حل المشكلة ، ازاي :
❌متنامش بعد الأكل مباشرة .
❌قلل من الاكل السمين والحراق
❌وانت بتاكل كل ع مهلك بلاش تتسرع .
❌قلل التوتر من خلال العلاج بالاسترخاء.
❌قلل من كمية القهوة والشاي والبيبسي .
❌امنع وقلل التدخين وخف وزنك لو زيادة .
❌قلل من المسكنات وبرشام الصداع وبلاش باي الكوفان .
❌ بدل ما ناكل كتير ع الفطار ، افطر خفيف وبعد التراويح كمل وجبتك .
✍️قد يصف لك طبيبك بعض الأدوية :
⚡زي اقراص #ايزوميلودان أو نيكسيوم ودي بتقلل حمض المعدة اللي بيسبب حرقة معدة وارتجاع .
⚡وممكن يصف لك أدوية تحفز حركة القناة الهضمية : زي اقراص #جاروبرايد خاصة لو في ارتجاع أو بطء في تفريغ المعدة .
وممكن كمان يصفلك الاتنين .
وربنا يريح معدتكم ويتقبل صيامكم 😁.